میرا پتا وہی تھا, میرا وہی مکاں تھا

اِک شور تھا جو اندر , وہ آج مچ گیا ہے

اُتنا ہی اب عیاں ہُوں, جِتنا کبھی نہاں تھا

 

مَیں تیری زندگی میں, اخبار گُزرے دِن کا

یُونہی پڑا یہاں تھا, یُونہی پڑا وہاں تھا

 

اتنا نہ ہو سکا تُم, میری خبر ہی لَیتے

میرا پتا وہی تھا, میرا وہی مکاں تھا

 

لو آگئی خبر یہ, وہ شخص مر رہا ہے

اور جب مَیں مر رہا تھا, وہ شخص تب کہاں تھا؟

 

ہاں! بدنصِیب ہُوں مَیں اور کب کا مر گیا ہُوں

ویسے بھی باغیوں کو, کب راس یہ جہاں تھا؟

 

آیا نہ راس مُجھ کو , اپنا ہی آپ, ہائے!

'تھا میں ہی دائیں بائیں اور میں ہی درمیاں تھا'

 

اگست 2016